Este domingo 29 de xaneiro terá lugar o acto de presentación dos candidatos do BNG pola comarca do Barbanza.
Entre eles está o actual alcalde de Mazaricos, Juan José Blanco Riveiro, que aspira a reelección. Tamén se presentarán os candidatos de Lousame, Noia, Porto do Son, Outes e Muros.
Ana Pontón en Mazaricos
O acto desenvolverase desde as 12h no Restaurante Casa Jurjo da Picota. Intervirá a portavoz comarcal Sol Agra, o alcalde de Mazaricos, Juan Blanco e a portavoz nacional do BNG, Ana Pontón.
Despois haberá “un fraternal cocido MZ” como informan desde a formación nacionalista.
Juan Blanco ofreceu recentemente unha entrevista ao programa “A Trencha” de Adiante Galicia, que compartimos neste artigo.
