// A Trencha, novo programa de entrevistas en Adiante TV( Youtube) e con Podcast en Spotify e Ivoox//
O alcalde de Mazaricos, Juan Blanco Riveiro, foi o primeiro convidado no espazo de entrevistas “A Trencha” que Adiante Galicia difunde a través da súa canle de Youtube Adiante TV, e tamén de respectivos podcast en Ivoox e Spotify.
Nesta primeira entrevista Juan Blanco fixo balance da lexislatura, e falou de investimentos, e proxectos como a Residencia, a Senda do Xallas, da problemática dos parques eólicos, de turismo, das vindeiras eleccións municipais, entre outros temas.
ENLACES PROGRAMA A TRENCHA 01
ENLACE YOUTUBE
ENLACE IVOOX
ENLACE SPOTIFY
Parques eólicos: respecto e prezos xustos
Sobre a problemática eólica, Blanco sinalou que “asentamos as bases á hora de dirixirnos ás empresas eólicas” e deixo claro que :
“Queremos que nos respecten e se algo ten que facerse debe ser cun prezo xusto. Ten que haber negociación e se non hai acordo temos que defendernos”.
Avanzando coa Residencia de Maiores
Adiantou que agarda que a principios de ano estea adxudicada a Residencia de Maiores de Pino de Val.
Nestes momentos “estamos rematando os pregos”. Destacou o mandatario que a desafectación demorouse casi un ano.
Esta Residencia primará a contratación de persoal do municipio e tamén terá descontos para os residentes en Mazaricos.
Será unha continuidade a política no eido dos servizos sociais. “Temos tres Casas do Maior, triplicamos a inversión en Axuda no Fogar e temos actividades nas parroquias” engadiu Blanco.
Traballo e débeda cero
Na conversa explicou que “foi unha lexislatura de moitas inversións” por parte dun concello saneado:”Temos débeda cero”.
Puxo en valor o cambio de luminarias no concello, as obras realizadas, o proceso de estabilización dos traballadores levado a cabo, ou a xestión no eido do turismo.
Entre os proxectos nos que se está a traballar está a construción dun novo depósito de auga, a Senda do Xallas ou o edificio de Protección Civil.
Consenso veciñal
“Somos moi tranquilos e buscamos consensuar os proxectos cos veciños respectando as posicións políticas de todo o mundo. Temos un grupo de goberno moi cohesionado” afirmou Juan Blanco.
Agradeceu o apoio do seu equipo de goberno:”Son concelleiros fieis, que miran polo interese dos veciños. Non podo pedir máis e conto con eles”.
Candidatura do BNG de continuidade
Deixou claro que conta con eles para unha próxima candidatura pero matizou: “Hai xente que traballa con nos fora das listas. O importante e o apoio que temos día a día “.
O alcalde de Mazaricos insistiu que fai “unha xestión para todos” á marxe das ideoloxías políticas, sendo consciente que unha parte do electorado que o apoia non procede precisamente do seu partido, o BNG.
Volverá a presentarse para promover distintos proxectos.
Non te perdas as entrevistas da Trencha. Suscríbete gratis á canle de Youtube AQUÍ e recibe as alertas.
