11.7 C
Santa Comba
viernes, febrero 3, 2023

Programa de Nadal no Concello de Mazaricos

.Mazaricos volve celebrar o Nadal cun completo programa de actividades para o conxunto da veciñanza. Os eventos deron comezo co festival de Nadal da Escola de Música Moderna de Mazaricos, que tivo lugar o día 8, e a representación teatral «Top Manta» o pasado día 11. A programación prosegue o vindeiro venres, 23 de decembro, co espectáculo circense CRUNCH!, un show espectacular que inclúe equilibristas, malabaristas, saltos mortais, golpes, caídas e moitas gargalladas, a cargo de Óscar Paez e Dani Blanco, da compañía Muu. Será no recinto feiral da Picota dende as 17h.

O xoves 29 de decembro, as nenas e nenos de Mazaricos poderán desfrutar dunha estupenda tarde de inchables no recinto feiral, a partir das 16h. Non faltarán sorpresas, como a visita do Apalpador.

O sábado 31 de decembro Mazaricos celebra a V Carreira do Leite e VI Brinde Leiteiro. A inscrición en calquera das catro categorías da carreira pode facerse online ata o vindeiro día 27. A recollida de dorsais poderá facerse o propio día 31 dende as 10h da mañá na Casa de Cultura. A saída da categoría Xatiños (nenas e nenos nados de 2015 a 2018) será ás 11h, seguida ás 11:15h por Becerros (nenas e nenos nados entre 2012 e 2014). A terceira categoría, Xovencas (2007 a 2011) sairá ás 11:30h. Ás 11:45h será a saída da categoría Vacas (persoas nadas antes do ano 2007).

Ao remate da carreira, aproximadamente dende as 12h, procederase a unha nova edición do Brinde Leiteiro, o evento con que Mazaricos se reivindica, cada final de ano, como o corazón lácteo de Galicia.

Ao día seguinte, domingo 1 de xaneiro, un novo ano arrinca en Mazaricos co tradicional Concerto de Aninovo, a cargo da Coral Polifónica de Urdilde. Será na Casa de Cultura ás 18h, e a continuación as persoas asistentes compartiran unha estupenda chocolatada con churros. Ás 19:30h celebrarase o Baile das Persoas Maiores, con música a cargo do Dúo Élite.

O xoves 5 de xaneiro celebrarase unha nova edición da Tractorada de Reis, que partirá ás 17h do recinto feiral. As súas maxestades volveran visitar Mazaricos para traer agasallos e ilusión a nenas e nenos nun vistoso percorrido pola localidade.

Conciliación

Un ano máis, o Concello habilita durante as vacacións de Nadal un servizo de Nadal Lúdico orientado á conciliación das familias. Dirixido a nenas e nenos escolarizados en Mazaricos, o Nadal Lúdico celebrarase, con grupos de polo menos 8 nenas e nenos, no CEIP Víctor Sáenz, no Local Social de Eirón e mais no antigo CEIP de Pino de Val.

O Nadal Lúdico celebrarase os días 23, 26, 27, 28, 29 e 30 de decembro, así como do 2 ao 5 de xaneiro, ambos incluídos. O horario será de 9h a 14:30h. Pode solicitarse máis información ou levar a cabo a inscrición nos Servizos Sociais do Concello (981 86 71 04).

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
968SuscriptoresSuscribirte

Últimos artigos