O alcalde de Muxía, Iago Toba, sentiuse molesto coas “declaracións indecentes” da portavoz do Partido Popular en Radio Xallas e recollidas neste medio.
Emprazou a Sandra Vilela a pasar das palabras ós feitos:”Onde ten que denunciar isto é na Garda Civil.Hai que ser responsables e ter honestidade. Tiña que ir automaticamente a un cuartel”.
E foi más alá:”Se se sente ameazada que denuncie. Iso é banalizar problemas gravísimos que están pasando. Se non denuncia ela, denunciarei eu, por dicir o que non é. Os veciños de Muxía non merecen isto”. Non lle parece ben que se mencione “o entorno do alcalde” atribuindo o tipo de condutas sinaladas por Vilela.
Toba asegura que “a xente esta moi descontenta coa actitude do PP. A súa portavoz está desacreditada en Muxía pero non e culpable o alcalde”. Considera que o motivo é a “política ruín” que está a facer.
O alcalde confirmou que o POS alternativo presentado por PP e non adscritos “ímolo a aprobar a pesar de ser unha atrocidade. É un plan pésimo e lamentable pero imos votar que sí porque son cartos dos muxiáns”.
Adiantou que “este goberno non vai a deixar que se cometan inxustizas”, polo que as obras que non se recollen neste plan formará parte “da ampliación do plan rural de obras”.