Desde o Grupo de Acción Local do sector Pesqueiro (GALP) Costa da Morte informan dunha liña de axudas para o desenvolvemento sustentable das zonas de pesca no marco do Fondo Europeo Marítimo e de Pesca 2014-2020, e se convocan as correspondentes ao ano 2022
Publicáronse este xoves no Diario Oficial de Galicia (Orde do DOG nº 18 do 2022/1/27 -)
Segundo explican desde o GALP Costa da Morte “as axudas están destinadas a xente do mar, empresas transformadoras de produtos pesqueiros, hostaleiros, sectores auxiliares á pesca, asociacións do sector pesqueiro, redeiras, etc. que presente proxectos relacionados co mar”
O territorio de actuación desta entidade comprende os concellos de Cabana de Bergantiños, Camariñas, Carballo, A Laracha, Laxe, Malpica, Muxía, Ponteceso e Vimianzo.
Os promotores disporán ata o 27 de febreiro, para a presentación telemática de solicitude de axuda.Para mais información pode poñerse en contacto a través do teléfono 981707378 ou o correo: galp.mar.costadamorte@xunta.gal.A sede está ubicada no Edificio do Centro Comarcal de Bergantiños, Buño, Malpica de Bergantiños, de luns a venres de 8:30 a 15:00horas.
