O alcalde de Ponteceso, Xosé Lois García Carballido, cargou duramente contra a oposición por causar “un gravísimo prexuízo para o concello”.Para o mandatario “a oposición non quere un POS, só queren a dimisión do alcalde. Non lles importa bloquear o concello. Buscan un desgaste político a conta do lombo dos veciños”.
Acusa aos non adscritos de facer seguidismo do PP
Insiste que non acepta a petición de dimisión:”O alcalde non vai dimitir, non fixo nada para ter que dimitir”. Iso sí pide a renuncia dos cinco concelleiros non adscritos:”Os que deben dimitir son os cinco concelleiros que se presentaron na lista do PSOE e fan seguidismo da política destrutiva do Partido Popular en Ponteceso”.Contra os ex-compañeiros lanzou unha acusación por “pedir cartos a cambio de apoiar cousas no pleno”.
Entrevista ao alcalde de Ponteceso- Desde o minuto 30 deste audio
“O tema de APIN é moi decepcionante”
Das súas críticas tampouco se libran os concelleiros independentes:”O tema de APIN é moi decepcionante. Na comisión do luns non falaron, non propuxeron nada”, indica Carballido que entende que a intervención conciliadora de Marco Varela “foi todo un teatro”.
Lois García non é optimista con respecto ao pleno deste xoves:”O único que pode psar é que o pobo se farte, que a xente diga basta”. Considera que non permitir que se aprobe o Plan de Obras é algo “antixurídico” xa que “A Constitución española non permite que se traballe contra o pobo”.
Queixa das familias da Avda de Bergantiños
Nunha entrevista no programa “Na Encrucillada” que presenta Xosé Manuel Lema en Radio Xallas referiuse a queixa dos veciños da Avda de Bergantiños. Lembrou que o edficio se fixo na época de Fondo Aguiar(PP) “sen recolida de augas” e ao estar nunha área de reparto limita as actuación pero manifestou que “imos a seguir facendo melloras”.
O rexedor pondaliano enviou unha dobre mensaxe aos veciños. Pediu disculpas por cometer o “erro” de contar cos cinco non adscritos para a candidatura socialista e confianza para seguir traballando polo municipio.
