O portavoz do Partido Popular de Camariñas, Mauro Aufiero, solicita á alcaldesa Sandra Insua a petición de disculpas públicas por que “un representante público debe de dar exemplo e ela mesmo recoñeceu que o día 30 estivo nun centro comercial facendo un cambio de roupa”.
Aufiero lembra que nesas datas “non se permitía o movemento para ir de compras” e “ir a Coruña a un centro comercial non era necesario para o seu cargo”·
Segundo o edil popular “non é un caso grave para pedir a dimisión pero sí que pida disculpas públicamente aos veciños de Camariñas. Por actos similares chegamos a ter máis de cen casos en Camariñas. Estase xogando coa vida da xente”.
Lamenta que Insua “tardara un mes en recoñecelo” e tamén que logo de detectarse tres casos positivos por Covid-19 no equipo de goberno e de “escoitarse rumores” pensou que “ían a dar unha explicación de como se deron eses positivos para tranquilizar á veciñanza”.
Deixou claro que sobre os casos de concelleiros do PP (Paula Mouzo máis él) no equipo de goberno están ao tanto das circunstancias:”Un caso foi o meu debido ao gromo do Instituto da Ponte do Porto e o da concelleira Paula Mouzo ao visitar a un familiar no Hospital”.
