Os alcaldes da Costa da Morte comprometéronse a pedir unha entrevista co presidente da Xunta, Alberto Núñez Feijóo, para tratar sobre a situación das fábricas e das concesións hidráulicas de XEAL (antiga Ferroatlántica) na comarca.
Foi unha petición que lles trasladou o comité de empresa, nunha xuntanza. “O que non poden facer os concellos é continuar pasivos ante o deterioro das fábricas e a destrución de postos de traballo” indican os representantes dos traballadores.Reclaman que sitúen este asunto “no centro da axenda política”.
Plan de viabilidade
Un asunto que consideran fundamental e “polo que levamos agardando dende hai máis dun ano” é o plan de viabilidade.
O comité decidiu seguir co calendario de mobilizacións, nas que tamén solicitan un calendario de rearranque dos fornos. Cada venres ás 19h, concéntranse diante da Casa do concello de Cee.Segundo o comité, nestes momentos as fábricas están a un 10% da súa capacidade de produción.