O alcalde de Muxía, Iago Toba, criticou a postura dos concelleiros do PP e de catro edís do seu partido, o PSOE, que votaron a favor dunha alegación ao orzamento:
“Quero que toda Muxía se entere do grave da situación: paralizáronse todos uns orzamentos, a folla de ruta das accións dunha administración pública, por puro berrinche político. Eles e elas saberán por qué, pero evidentemente este é un ataque ao concello, aos veciños e veciñas que ven así como esta decisión bloquea os proxectos e actuacións necesarias no concello e, en moitos casos, pactadas e consensuadas coa propia veciñanza”.
Desde o goberno local aseguran que a alegación presentada por Sandra Vilela non tiña base obxectiva nin base económica e o único obxectivo era “bloquear os investimentos do Concello e, por extensión, as actuacións que hai previstas en todos os núcleos co municipio”.
Explican que a interventora advertidu dunha “posible ilegalidade”. Segundo o goberno local “Os informes de intervención son claros con respecto ao documento dos orzamentos, tanto en forma como en fondo, a pesar da reclamación feita hoxe polo PP”.
Iago Toba pediulle desculpas ao concello de Muxía polo “espectáculo” vivido e calificou de ‘vergoñento’ este acto de “tentar botar abaixo uns orzamentos aprobados hai máis dun mes con maioría neste mesmo pleno. Pero non só iso, sen base teórica, obxectiva e incluso legal”.