«É un recoñecemento ás persoas maiores da comunidade, que tanta sabedoría aportan» afirma o alcalde de Mazaricos, Juan Blanco.
Vídeo e fotos do Concello de Mazaricos
Preto de mil persoas participaron no «Xantar das Persoas Maiores» que se celebrou no polideportivo da Picota, organizado polo concello de Mazaricos. O menú estivo composto por empanada, polbo á feira, carne ao caldeiro e postre. Non faltou a animación musical co trio Élite e co grupo de gaitas O Verán.O alcalde, Juan José Blanco Riveiro afirmou que “este tipo de celebracións son importantes porque é un recoñecemento ás persoas maiores da comunidade, que tanta sabedoría aportan”.
XVI Xuntanza en Vimianzo
E case 900 veciños participaron nunha iniciativa similar no concello de Vimianzo, denominada «Xuntanza dos Maiores». Aparte do xantar o evento desenvolvido no pavillón polideportivo local contou coa actuación do humorista Isi, do grupo Época, da charanga Escándalo e de artistas locais.
A semana pasada Santa Comba acollía tamén unha nova edición da súa Festa dos Maiores.
