A Marea Galeguista apoiará un goberno alternativo a Feijóo pero con determinadas condicións:”Apoiaremos un goberno progresista, un goberno de cambio, pero con condicións» declarou o candidato Pancho Casal.
AP-9
Unha desas condicións será «a transferencia e rescate para o público da AP9». Neste senso criticou que «desde que o BNG, Podemos e o PSdG apoiaron a investidura de Pedro Sánchez, non se volveu a falar da AP9, atopándose so silencio e esquecemento», o que considera inxustificable, tendo en conta que «os galegos se deixan nesta autoestrada mais de 150 millóns de euros ao ano».
A Marea Galeguista estima que o custo «é moi inferior ao que sería construír esa A57 paralela, un invento a maior gloria dos grandes construtores, pero non un beneficio verdadeiramente para a cidadanía», e afirman que «analizando as contas da AP9 consideramos que con entre 1400 e 1500 millóns de euros a pagar en 30 anos, o que serían uns 40 ou 50 millóns de euros ao ano, a autoestrada sería pública, polo que entra dentro das posibilidades orzamentarias da Xunta de Galicia, por iso esta será unha das nosas condicións».
10.000 millóns de euros
A esa condición de transferencia e rescate para o público da AP9 engaden, como puntos clave para que a Marea Galeguista apoie un goberno de cambio, «os 10000 millóns de euros para Galicia que levamos reclamando e o pase a público de todos os coidados, sanidade, dependencia, educación…» segundo indica pancho Casal.
