Ana Pontón foi presentada como candidata a portavocía do BNG, encabezando unha lista de cincuenta persoas, aprobada no Consello Nacional.
Ana Pontón, muller con experiencia parlamentaria e na acción social
Ana Isabel Pontón Modelo está chamada a dirixir a nave do Bloque Nacionalista Galego diante dunha das súas singraduras máis complexas. Deputada no parlamento galego desde o 2004, esta política nada na aldea sarriana de Chorente está apoiada pola Unión do Povo Galego(U.P.G.) e conta con dous puntos positivos no seu favor, a experiencia parlamentaria e tamén a súa habitual conexión coa rúa e o activismo social.
Non será un camiño doado pilotar a refundación do BNG, pero a número dous da candidatura, Goretti Sanmartín apelaba ó orgullo feminino:”Somos audaces, rebeldes e con moitas ganas de traballar”. Estima que a militancia e a sociedade verá con bos ollos que unha muller sexa a portavoz nacional despois da asemblea xeral do vindeiro 28 de febreiro.
Pontón advirte:“Hai moitas persoas mirando para o BNG”
A proposta de executiva nacional complétase con a Xosé Lois Rivas, Mini, Noa Presas, Rubén Cela, Carmen da Silva, Néstor Rego, Olaia Ledo, Bieito Lobeira, Obdulia Diniz, Xosé Emilio Vicente, Montse Prado, Xosé Manuel Marcote, Alba Feixó e Luís Pérez Barral.
Nunha comparecencia pública Ana Pontón destacou o “inmenso labor” da executiva saínte e do voceiro Xavier Vence “O reto máis importante que temos por diante é iniciar o proceso de refundación do BNG coa convicción clara de que o nacionalismo é un elemento necesario e fundamental para o futuro do país” afirmou Pontón que se marca coma metas reconstruír a complicidade e o apoio social, actualizar o discurso político e redefinir a estrutura organizativa do Bloque.
“Temos que estar á altura das circunstancias porque hai moitas persoas mirando para o BNG” apuntou a muller que con toda probabilidade será a nova voz do BNG.
Fai uns día en nas «Conversas na Encrucillada» de Adiante Galicia falábamos co secretario xeral da U.P.G., Néstor Rego.
Consulta nesta ligazón a candidatura completa ó Consello Nacional