Néstor Rego:“Da UPG faise unha caricaturización interesada” asegura Néstor Rego que defende “un proxecto nacionalista autónomo” non dependente de forzas españolas”.
Audio entrevista
“Galicia está ausente nas negociacións co PSOE”
Para o secretario xeral de Unión do Povo Galego quedou en evidencia que o país “está ausente nas negociacións co PSOE porque na proposta de Podemos non hai unha soa referencia a Galicia”.
Néstor Rego pensa que En Marea “actúa en función dos intereses estratéxicos de Podemos” e queda está quedando en evidencia que “colleron a bandeira do grupo parlamentario propio cando sabían que non era posible e a súa declaración de intencións non era real”.
Candidatura nacionalista e acordos postelectorais contra o PP
Rego defende a necesidade “dun proxecto nacionalista autónomo e non dependente de ningunha forza política estatal”. Asegurou que “estamos en disposición de falar” sen “preconfigurar como debe de ser” aínda que pechou a porta a participar en candidaturas con “forzas españolas”.
Nunha das “Conversas na Encrucillada”, o secretario da UPG e membro do consello nacional do BNG, abriu a porta a “acordos con outras forzas política como En Marea ou o PSOE despois das eleccións” se o PP perde a maioría absoluta, pero advertiu que “unha alternativa ten que significar unha mudanza de rumbo”.
Néstor Rego pensa que “o nacionalismo ten que estar presente na sociedade” e que o proceso iniciado no Bloque debe ser útil para “analizar e corrixir” e “facer cambios e resintonizar coa sociedade”.Sobre as críticas que está recibindo a UPG, pensa que se está a facer “unha caricaturización interesada” porque o partido representa “a firmeza dun proxecto nacionalista e iso non sempre é ben visto”.
Definiu a Unión do Povo Galego como “unha forza política situada na esquerda crítica co modelo social do capitalismo” e loou o traballo dos seus militantes.
FOTOS- Portada- Terra e Tempo- Interiores-Facebook Néstor Rego