Jesús Picallo ten claro que “nestas eleccións somos o voto útil e se nos votan Cee sairá gañando. Pedimos unha oportunidade para demostrar a nosa valía”.
Sobre o goberno de Margarita Lamela é tallante:“Non podo valorar algo inexistente e ineficaz, dun goberno en minoría que non tivo un diálogo coa oposición”.
A entrevista
Posta en valor dos activos de Cee
O que sí valorou foi o traballo do grupo municipal do PP:”O Partido Popular apoiou ao goberno local para que os orzamentos saíran adiante e en todas aquelas obras que eran necesarias” polo que “a que nos debe de valorar moi ben a nós é a actual alcaldesa”.
Do seu programa, nunha entrevista para Adiante Galicia, destacou “a posta en valor dos activos de Cee como son o porto industrial de Brens, o centro comercial, o mercado municipal ou un centro deportivo que é moi necesario así como recuperar a vida comercial co seu ocio nocturno”.
Non se quixo esquencer da atención ós nosos maiores, e da variante de Cee.
Polo visto na precampaña, Picallo agarda “unha campaña crispada” e indicou que “non queremos entrar en polémicas pero defenderémonos dos ataques”.
Aspira a gañar por maioría e asegura que o seu salto á política débese a que “é o momento de devolverlle a Cee o que me deu e traballar para que rexurda como concello”.