A impresionante colección patrimonial de Benigno Eiriz segue lonxe de Galicia nunha situación de abandono. O BNG trasladou unha proposta ao Parlamento de Galicia mentres que desde a Xunta polo momento non se amosou un interese por recuperar esta colección de valor incalculable.
Xosé Manuel Lema @xmlema
Benigno Eiriz recolleu unhas 8.000 pezas que representan un álbum real da historia e da etnografía galega. O seu desexo razoable era que a súa colección ficara no seu país. Pero ninguén atendeu ao seu chamamento e as malladoras, arados, aparatos de radio e traxes labregos foron parar ao municipio leonés de Alija del Infantado.
O BNG pide a Xunta que abandone a súa “ indiferenza e pasotismo”
Na actualidade, o patrimonio corre o risco de esmorecer, e hai voces que apuntan que sería unha ocasión de ouro para cumprir o soño de Eiriz e tamén de tomar unha decisión a prol da conservación e do coñecemento da cultura galega.
O BNG vén de presentar unha proposición non de lei para que a Xunta de Galicia traballe para “garantir a volta da colección a Galicia”. Segundo explicou a voceira nacionalista Ana Pontón Mondelo tamén se propón que se estudie o estado de todo o material e se realice “unha grande exposición sobre o mundo labrego galego coa creación dun espazo museístico estábel”.
Xoán Eiriz:”O museo ten que estar en Galicia”
En declaracións a Adiante Galicia, o artista Xoán Eiriz reivindicou que a colección do seu finado irmán Benigno Eiriz veña para Galicia “porque é onde ten que estar”. Eiriz salientou que estamos ante “un museo marabilloso, unha reliquia cultural impresionante que mágoamente Galicia non soubo recoñecer”.
O artista que se encontra en promoción do seu novo disco “Desde as cordas do meu corazón” asegurou que a colección ten “un valor incalculable” composta por “milleiros de pezas do patrimonio cultural galego, porque Benigno fixo unha recompilación de “auténticas xoias ancestrais galegas”.
Artigo de Opinión de ALVARO ALVAREZ:»Eiriz, referente en la cultura gallega»
Enlace
https://www.adiantegalicia.es/opinion/alvaro-alvarez/eiriz-referente-en-la-cultura-gallega.html
FOTO-DIARIO DE LEÓN