3.6 C
Santa Comba
domingo, febrero 5, 2023

O goberno dubrés asina un convenio coa Xunta para mellorar a seguridade en Paramos


Investimento de 418.000 euros

O alcalde de Val do Dubra, José Manuel Varela Ferreiro, e a conselleira de Medio Ambiente, Territorio e Vivenda, Ángeles Vázquez asinaron un convenio que permitirá crear unha zona de tránsito para os peóns entre os puntos quilométricos 17+160 e 18+620, no lugar de Paramos.


Este treito pertence á estrada AC-406 entre Portomouro e Santa Comba. O proxecto contará cun orzamento de 418.000 euros. A Xunta aportará o 70% e o concello o 30%.

O proxecto inclúe demolicións e movementos de terras para explanación de sendas de 1,8 metros de anchura -medida que se reduce en zonas de vivendas e peches de parcelas- de formigón colorado; canalizacións de pluviais e da rede de alimentación de alumeado público; a reposición do firme na zona da gasolineira e traslado de postes de electricidade, iluminación pública e telefonía.

A obra levarase a cabo ao abeiro do chamado plan Hurbe, un programa impulsado polo Goberno galego en 2010 co fin de axudar ás administracións locais a financiar este tipo de proxectos municipais que inciden de forma positiva na calidade de vida da veciñanza.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,801SeguidoresSeguir
1,020SuscriptoresSuscribirte

Últimos artigos