21.4 C
Santa Comba
viernes, agosto 5, 2022

Sufocan un incendio nunha vivenda do Milladoiro

Info- AXEGA 112

Unha muller tivo que ser trasladada, esta tarde, por inhalación de fume ao producirse un incendio na súa casa, no concello coruñés de Ames.Os feitos aconteceron, arredor das tres da tarde, cando varios particulares se puxeron en contacto co 112 Galicia para informar de que estaban vendo saír fume pola fiestra dun edificio da Travesía Madalena, no Milladoiro.

Nese momento, desde o Centro Integrado de Atención ás Emerxencias de Galicia alertouse aos Bombeiros de Boiro, aos membros do GES de Brión, á Garda Civil, á Policía Local e á Agrupación de Voluntarios de Protección Civil da localidade. Ademais, ao descoñecer a posibilidade de que houbese persoas feridas, tamén se lle deu o aviso aos servizos sanitarios.

Unha vez sufocado o lume, os medios de extinción, desprazados ata o punto, confirmáronlle ao 112 que o incendio afectou á campá extractora da cociña e ao mobiliario próximo.

Finalmente, os profesionais de Urxencias Sanitarias de Galicia – 061 indicaron que tiveron que trasladar a unha muller por inhalación de fume, ata o Hospital Clínico Universitario de Santiago.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,782SeguidoresSeguir
465SuscriptoresSuscribirte

Últimos artigos