“Ten que haber unha resposta de tipo legal. Non pode ser que o mesmo leite se pague a 32 céntimos en Galicia e a 35,2 en Asturias. Paréceme unha discriminación e unha extorsión”. A secretaria xeral do Sindicato Labrego Galego, Isabel Vilalba, non entende como se pode seguir mantendo esta situación prexudicial para os produtores de leite de Galicia.
Entrevista a Isabel Vilalba desde o minuto 34
Nin tampouco que a distribución anuncie subidas de prezo, pero que non se trasladen aos gandeiros:”Están mantendo unhas condicións artificiais de opresión sobre as granxas”.
Vilalba lembra que “en 2015 a administración e algunha organización falaban dun acordo histórico. Nós xa dixemos que non víamos nada firme”.
Nunha entrevista en Radio Xallas, Isabel Vilalba reiterou que o S.L.G “está en contra da inclusión do lobo no LESPRE” e lle parece “irresponsable” que o goberno central non reflexe partidas para os danos e que tamén a Xunta “queira desentenderse” das mesmas.“Hai que que cubrir o 100% dos danos e asumir unha responsabilidade civil” plantexou.
