Adiante Última Hora
  • Cargando las noticias de última hora...Cargando las noticias de última hora...

“Os enfermos de Alzheimer precisan ser tratados con moito respeto e dignidade ”

 “Os enfermos de Alzheimer precisan ser tratados con moito respeto e dignidade ”

Entrevistas | Publicada: 27/11/2019

Aumentar texto Disminuir texto Reiniciar texto

Tempo de lectura: 10 minutos e 12 segundos.

//Manuel Sambade// 

César Bugallo Carrera, psicólogo sanitario, doutor en Xerontoloxía e coordinador da Asociación de Familiares de Enfermos de Alzheimer de Fisterra y Soneira (Afafes), entidade que, un ano máis, organiza o curso “Xuntos nos coidados”, iniciativa na que coparticipan  Fagal, a Consellería de Política Social e colabora o Concello de Vimianzo, que acolle mañá, de 10 a 13 horas, na Casa da Cultura a segunda xornada desta iniciativa. Unha proposta sobre o Alzheimer que tamén chega a Fisterra, de 19 a 22 horas, no Chalet de Vilas, dentro do “Programa Rede Paraugas 4.0” . 

P-Segundo a Sociedade Española de Neuroloxía (SEN), en 2050 prevese que 1,5 millóns de persoas padezan alzhéimer en España e 113 millóns en todo o mundo. Cal é a realidade diaria das persoas que sofren alzhéimer?

R- Depende da fase na que se atope. Na primeira fase a persoa aínda é bastante autónoma, precisando axuda para realizar as actividades máis complexas, pero nas fases máis avanzadas vai diminuíndo a autonomía e polo tanto aumentando a dependencia o que conleva a que a persoa teña que estar supervisada prácticamente as 24 horas do día. De modo que ó falar de Alzhéimer nos estamos a referir á enfermidade sociosanitaria por excelencia, na que ademais da persoa que a sofre vese afectada a súa familia e os servizos sociais e sanitarios.

P-E o día a día dos familiares?

R-É bastante duro porque os enfermos de Alzheimer necesitan dedicación as 24 horas do día, todos os días, durante o tempo que duren. Esta situación acaba esgotando ao coidador. Neste sentido, as asociacións e centros de día están a realizar un labor moi importante de coidado destes maiores e de respiro e descanso para os familiares.

P-Cal adoita ser a actitude da familia cando se diagnostica un caso de alzhéimer?

R-A maior parte das veces, cando se dá un diagnóstico de Alzhéimer non é máis ca confirmación dunha sospeita fundada. O primeiro “diagnóstico” suele facelo quén vive a diario ca persoa afectada: “o avó fai algo raro”; “a papá hai que repetirlle as cousas 50 veces”.

Claro que cando lles dan o diagnóstico “oficial” por así decilo, a pesar de que moitas veces xa o esperaban o normal é que o pasen realmente mal, posto que a imaxe que lles vén á mente suele ser a da última fase, cando as persoas non recoñecen ós seus seres queridos ou incluso a sí mesmos.

Sin embargo, neste momento o noso deber é de informarlles que antes de chegar a esa situación, o seu familiar vai a pasar por outras fases na que sí que vai  haber moitos cambios con respecto á súa situación previa e ofrecerlles ós coidadores unhas pautas para afrontar determinadas situacións nas que seguramente se sinta desorientado e indefenso. Ten que comprender que o seu familiar vai a cambiar, non porque queira cambiar senón porque a enfermidade o vai a facer cambiar. Teñen que comprender que donde antes daba, agora precisa recibir.

P-Dada a complexidade da enfermidade, é aconsellable que aos pacientes con alzhéimer cóidelles un profesional?

R-O ideal é que sexa un coidado compartido. Os afectados polo Alzhéimer, como a maioría das persoas desexan envellecer no seu fogar acompañados dos seus seres queridos, e aínda en situacións nas que a enfermidade está moi avanzada as emocións perviven: a presencia dos seres queridos; a voz; as caricias… esas son as cousas que o fan relaxarse, descansar. Sin embargo, sobre todo nas primeiras fases cobra unha especial importancia as axudas dos diferentes profesionais para intentar que a enfermidade avance o máis lento posible. 

P-É moi importante a información e asesoramento ás familias dos afectados de Alzheimer?  

R- Sen dúbida. Por iso, nas asociacións, ademais de coidar ao enfermo e ao familiar cos grupos de autoaxuda, ofrecemos cursos, impartimos charlas e damos toda a información que o familiar require. Así mesmo, asesorámoslle en temas sociais, legais e de tramitacións de axudas.

P-Cales son as dúbidas principais que se expoñen os familiares das persoas con alzhéimer?

R-As principais dúbidas dos familiares están relacionadas co que lles vai a pasar ao seu ser querido e como se desenvolverá a enfermidade de Alzheimer. Por esta razón, en  Afafes traballamos coa persoa día a día e orientamos e axudamos aos seus familiares, de acordo a como evolucione a enfermidade en cada caso.

P-Como hai que tratar aos enfermos?

R-Sobre todo con moito respeto e dignidade. Ante todo temos que saber que temos enfrente a unha persoa e que a pesar de que vaia cambiando segue sendo unha persoa, e serao ata o final. Tendo esto claro, debemos armarnos de moita paciencia e adaptarnos nós a eles e non esperar que sexa á inversa. Temos que saber que si actúan de determinada forma non é porque eles queiran senón porque están condicionados pola enfermidade.

P-Na maioría dos casos os coidadores son mulleres?

R-En xeral si. Esto é debido a que tradicionalmente o papel de coidador estaba reservado para as mulleres pero na actualidade, afortunadamente, esto está cambiando posto que o rol das mulleres cambiou e agora son máis libres para desenvolver as súas vidas. O que sí debemos salientar é que os coidadores cada vez son máis maiores de modo que nos atopamos a persoas maiores, que xa precisan de axuda, coidando doutras persoas maiores.

P-Como se coida ao coidador?

R-Concretamente  Afafes pon á súa disposición a psicólogos, traballadores sociais e grupos de autoaxuda que poden escoitarlle, asesorarlle e ensinarlle como outras persoas están a asimilar e enfocando a súa situación de coidador.Tamén ofrecemos cursos formativos como o que estamos desenvolvendo en Vimianzo.

P-Que reivindica Afafes para mellorar a situación dos enfermos de Alzheimer e os seus coidadores?

R-No noso caso desexamos que o compromiso das diferentes administracións se plasme en feitos, e consigamos o tan ansiado centro de día que ademais de beneficiar ós propios usuarios, axudaría a que os coidadores podan desenvolver a súa vida sen vela alterada polo coidado do familiar. Asimesmo, solicitamos axuda para poder implementar os programas de prevención polos diferentes concellos da bisbarra.

Pódeche interesar...

Manuel Villar:”El canario es un pájaro muy asequible y agradecido”

Manuel Villar:”El canario es un pájaro muy asequible y agradecido”

El presidente de la Federación Ornitológica Regional Gallega(FORG), Manuel Villar,(a la izquierda en la foto de portad…

Ler máis
Carballido confesa que a situación política supuxo “un revés anímico” e que ten “o brazo tendido” para negociar

Carballido confesa que a situación política supuxo “un revés anímico” e que ten “o brazo tendido” para negociar

O alcalde de Ponteceso, Lois García Carballido, afirmou que ten “as mans abertas e o brazo tendido a calquera tipo de…

Ler máis
La revista de Aviornis: una fuente de conocimiento sobre el mundo de los pájaros

La revista de Aviornis: una fuente de conocimiento sobre el mundo de los pájaros

Xosé Manuel Lema Ya las palabras de Francisco Javier Rodríguez Penedo y de Iñaki Hernández abrían el apetito, pe…

Ler máis

Noticias sobre A Costa da Morte, as suas comarcas e os seus concellos: Bergantiños, Soneira, Camariñas, Carballo, Cee, Corcubión, Dumbría, Fisterra, Muxía, Vimianzo, Santa Comba e Zas.
Opinión
Autos Xallas
Primavera Teatral de Paiosaco 2021
Adiante TV 2020
Galería Fotos Históricas
Concello da Laracha
Concello de Mazaricos
En breves

Adiante TV

Rafael Lema sobre Frida Kahlo

Rafael Lema sobre Frida Kahlo

Concentración en Malpica 17 de abril

Concentración en Malpica 17 de abril

Unha casete de Los Gemelos y su Orquesta

Unha casete de Los Gemelos y su Orquesta

A moción de censura é a única opción posible en Ponteceso

A moción de censura é a única opción posible en Ponteceso

Opinión

Un secreto ecológico

Álvaro Rodríguez

Los demás gobiernos hacen lo contrario de lo que se obliga a hacer en España. Pondremos dos ejemplos: La gran potencia Alemania y el emergente Mar…

Álvaro Rodríguez
Ler máis

A mesma manobra

Álvaro Rodríguez

A prensa escrita informou que ABANCA gañou no 2020 433  millóns, dos cales 273 dedicounos a reservas. «As cinco integracións realizadas nos ú…

Álvaro Rodríguez
Ler máis

Grazas Paulino Castiñeira Castro

Xosé Manuel Lema Mouzo

A Paulino Castiñeira Castro contacteino fai anos para unhas crónicas que estaba facendo para a Agencia EFE, sobre unha das iniciativas da Sociedade …

Xosé Manuel Lema Mouzo
Ler máis

Conversas na Encrucillada

Usamos cookies propias e de terceiros para mostrar publicidade personalizada segundo a súa navegación. Se continua navegando consideramos que acepta o uso de cookies. OK Máis información