A Xunta de Goberno de Neda tomou hoxe o acordo de sacar a licitación as obras incluídas no POS Plus Adicional 2017, unha iniciativa provincial que no seu conxunto representará un investimento de 91.000 euros (IVE incluído). O importe da devandita cuantía dará lugar á execución de dous novos proxectos aglomerado en vías municipais, unha aposta do executivo local por facer rendible a inversión pública ademais de garantir a seguridade vial.
Estas actuacións suporán a reparación e posta en valor de seis camiños e afectarán a un total de 1.935 metros lineais de infraestruturas locais. Baixo a denominación Camiño Cerdeiras-Barreiras, acometeranse traballos de mellora -a base de asfaltado en quente e limpeza de beiravías- no tramo denominado Baixada de Cruz do Pouso-Cerdeiras e tamén no que vai de Transmonte a Gradaílle. O investimento ascende a 42.601, 10 euros e as obras previstas acondicionarán 1.200 metros lineais de camiños.
O segundo proxecto inclúe un total de catro actuacións e a reparación doutros 735 metros máis de vías municipais. Neste caso, trátanse das denominadas Castiñeiro (355m), Valle Inclán (67m), Pename (153m), Castiñeiro-Fábrica Laboura (160). O executivo local confía en axilizar ao máximo o proceso administrativo para que as obras poidan dar comezo de cara á próxima primaveira.
