Informa-AXEGA 112
Un home sufriu feridas de consideración ao esmagarse a man cunha máquina que utilizaba para tallar madeira, en Santa Comba.Ocorreu no lugar de Pragais, na parroquia de A Pereira, ao mediodía de hoxe.
O 112 Galicia recibiu a alerta da situación do home a través de Urxencias Sanitarias de Galicia-061. Os servizos sanitarios indicaban que estaban a mobilizar un helicóptero medicalizado para atender ao ferido.
Axiña, os xestores do CIAE 112 Galicia requiriron a intervención do Servizo Municipal de Protección Civil e dos axentes da Garda Civil, que colaboraron cos servizos médicos desprazados.
