AXEGA 112-
Un helicóptero de rescate mobilizado por Salvamento Marítimo evacuou a unha persoa ferida cun arpón nunha zona rochosa próxima a Punta Nariga, en Malpica de Bergantiños.Segundo a información facilitada por Salvamento ao 112 Galicia, a aeronave trasladou á persoa ao Aeroporto de Alvedro, onde foi recollida por unha ambulancia para levala ao Complexo Hospitalario Universitario da Coruña.
O 112 Galicia recibiu, ao fío das nove da mañá, a alerta a través de varias persoas particulares dunha persoa que se atopaba nunha zona de difícil acceso.
Decontado, os xestores do CIAE 112 Galicia puxeron a situación en coñecemento de Urxencias Sanitarias de Galicia-061, dos Bombeiros de Bergantiños, da Policía Local, do GES de Ponteceso, da Garda Civil e de Protección Civil.
Xa no lugar do suceso, os Bombeiros e os efectivos do GES descenderon ata a zona onde se atopaba a persoa ferida e solicitaron ao 112 Galicia, para rescatala, a mobilizaron de medios aéreos.Por iso, desde o 112 Galicia requiriuse a intervención do Servizo de Gardacostas de Galicia e de Salvamento Marítimo, que desprazou un helicóptero no que a persoa foi evacuada.