O concello de Ponteceso puxo en marcha o chamado Plan de Emprego Social 2020-2021, o que supón a creación dunha Bolsa de Emprego e un mínimo de 10 contratos a tempo completo en períodos de 6 meses por un salario de 1.108,33 euros mensuais.Todas as persoas interesadas poden pedir cita en Servizos Sociais a travésdo teléfono 981 714 000.
«Grazas á política de contención do gasto, e a renuncia do alcalde ao soldo municipal, figura crédito suficiente para levar a cabo a contratación de 10 operarios de limpeza e outros labores afíns cada 6 meses. Aos 6 meses, contrataranse os seguintes da lista. Se conseguimos máis fondos, haberá moitas máis contratacións» aseguran desde o departamento de Servizos Sociais de Ponteceso.
