A asociación de Turismo da Costa da Morte (CMAT) presentou mo stand de Galicia en Fitur á «Moura da Costa da Morte»como «elemento diferenciador e para fortalecer a imaxe da marca que ten que ver con ese patrimonio inmaterial, con ese halo de misterio, maxia e espiritualidade tan acentuado no noso territorio».
Así este «personaxe mitolóxico será a partires de agora a guía e embaixadora da Costa da Morte» sinalou o presidente da CMAT, Juan José Blanco Riveiro, que resaltou a «coherencia das políticas e proxectos da CMAT» para «contribuír á posta en valor e posicionamento dos nosos valores identitarios». Ao fío disto explicou que a valorización do patrimonio inmaterial da zona constituíu «unha das prioridades do plan de acción establecido para o turismo na Costa da Morte, que acadou grandes cotas de participación a nivel público e privado»
