A comisión de festas de Santa Catalina xa está ultimando os preparativos para a súa Festa gastronómica na honra da súa patrona, Santa Catalina, tamén patroa dos estudantes e panadeiros.
Á unha do medio día do domingo 25 de novembro haberá unha misa na centenaria capela de Santa Catalina, e despois unha sesión vermú co Trío Master. A continuación celebrarase un xantar popular con empanada, criollos e porco á brasa(prezo 15 euros).
Pola tarde actuará a orquestra Santiago e o Trío Master. Haberá unha carpa climatizada. A organización conta coa colaboración do concello de Santa Comba. Os tickets para asistir a esta celebración poden adquirirse en Bar Duca, Auto Xallas, Xallas Publicidade ou na propia festa.
