Unha persoa resultou ferida despois de colidir un turismo e un tractor na localidade coruñesa de Mazaricos. O accidente ocorreu onte, sobre as 21:30 horas. Foi a esa hora cando un particular informaba ao 112 Galicia dun coche encaixado nun tractor, na estrada que enlaza A Pereira e Pino de Val, xustamente, entre as localidades de Mazaricos e Santa Comba.
Decontado, o persoal do Centro Integrado de Atención ás Emerxencias 112 Galicia (CIAE) puxo os feitos en coñecemento do 061-Urxencias Sanitarias. Así mesmo, alertou á Garda Civil de Tráfico, aos Bombeiros do Xallas e aos efectivos de Protección Civil de Mazaricos e Santa Comba.
Unha vez no punto, persoal sanitario confirmou a evacuación do ferido a un centro hospitalario de Santiago de Compostela.