Este venres comeza o “Maio de Letras” do concello de Dumbría cunha sesión de contacontos con Duende Sico no CEIP Plurilingüe Santa Eulalia de Dumbría.
O sábado 4 de maio, ás 19 horas, na Pérgola da Fervenza do Ézaro estará o poeta Ismael Ramos, Premio Nacional de Poesía Xoven Miguel Hernández. Poesía compañada por unha actuación de música tradicional.
No centro educativo CEIP Plurilingüe Santa Eulalia de Dumbría, haberá outras tres actividades. O Xoves 9 de maio contacontos con Kalopsia, o 14 contacontos e visita guiada a biblioteca do Conco, con Vero Rilo. O 4 de xuño, terá lugar o Roteiro Literario Vákner.
Entre o 16 e o 19 de maio, dirixida á veciñanza de Dumbría, organizarase unha viaxe a León e Zamora.
