O presidente provincial do Partido Popular arrancou o curso político cunha mensaxe ambiciosa xa que confía en que os nove concellos do Barbanza teñan alcaldes populares. Agarda conservar as alcaldías de Boiro, Ribeira, Lousame, Porto do Son, Noia e Outes e sumar as de A Pobra, Muros e Mazaricos.
Diego Calvo está convencido en «facer pleno nos nove nos municipios. Estou seguro, e así vai ser, de que podemos alcanzar a alcaldía en todos os concellos desta zona».
Nunha xuntanza con alcaldes e portavoces en Lousame, Calvo Pouso, animou aos seus representantes a traballar polo obxectivo marcado:»Quédannos menos de dous anos para seguir escoitando aos veciños, para estar a pé de rúa e, ademais, para que, unha vez se formen os equipos, empecemos a dar a coñecer o noso proxecto a todos os veciños».