Un incendio declarado nun garaxe dunha vivenda en Carballo deixa danos materiais. Ardeu un turismo que se atopaba no interior do inmoble. Ademais, o fume propagouse por toda a cocheira e afectou a unha casa lindeira.
Os feitos tiveron lugar na parroquia de San Xoán, no lugar da Grela. Ata o punto desprazáronse, tras recibir o aviso do 112 Galicia, os Bombeiros de Carballo, a Garda Civil, o persoal de 061-Urxencias Sanitarias e Protección Civil.
O CAE 112 Galicia tivo constancia do incendio ás 13:40 horas a través dun particular. Indicaba no seu relato que saía fume polas fiestras da casa do lado. Finalmente, o lume quedou extinguido.