As forzas da orde investigan xa o incendio declarado esta madrugada nunha ambulancia na Coruña. O vehículo asistencial estaba estacionado na entrada do porto da cidade cando, por razóns que polo de agora se descoñecen, comezou a arder.
A Autoridade Portuaria da Coruña contactaba co 112 Galicia para informar de que a ambulancia comezara a arder á 1:00 horas desta madrugada. Segundo se lle indicou ao persoal do CAE 112, os Bombeiros xa tiñan coñecemento do incendio. De feito, unha dotación súa foi a encargada de extinguir o lume pasadas as 2:00 horas da madrugada.
