Unhas 23 persoas remataron a cuarta etapa do camiño entre Santiago de Compostela e Muxía pasando por Brandomil. Unha iniciativa coa que a asociación Grandimirum en colaboración con veciños da Pereira(Santa Comba), San Cosme(Mazaricos), Baiñas e Berdoias(Vimianzo), pretende reivindicar ese camiño histórico.
A última etapa realizouse entre Berdoias e a contorna do santuario da Virxe da Barca en Muxía.O concello de Muxía fixo un recibimento na casa consistorial, presidido polo teniente de alcalde, Samuel Lago e pola edila, Tania Romero.
Desde a asociación Grandimirum informan que agora traballarán na identificación do trazado, na recollida de documentación histórica para pedir o recoñecemento administrativo da ruta e a promoción da mesma.
.jpg)
