– Xosé Manuel Lema- @xmlema
As raíces longas da identidade e da tradición desguedelláronse no auditorio do multiusos de Santa Comba. Non son un crítico de teatro pero sí podo compartir a experencia persoal de saír dunha función cunha pandeireta soando no peito e a voz fonda da terra anunciando que sexa cal sexa a próxima estación ella sempre está aí.
Quedaría aplaudindo moito máis tempo. Encantoume “Castrapo”, a obra de Gustavo del Río que representaron Os Náufragos dentro do ciclo de teatro do concello de Santa Comba.
Argumento atractivo. Esceas variadas que mesturan reflexión, melancolía pero tamén humor e retranca. Sen mensaxes doctrinarias nin dogmas que enchen os cartafois de moitos autores. Estíbaliz Veiga e Denis Gómez acadan que non perdamos a atención. Excelentes. E Gustavo del Río que nos fai buscalo entre as sombras agardando como nos pode seguir sorprendendo.
E para darlle a “Castrapo” o espaldarazo definitivo, esas voces que rabuñan o corazón, esas pandeiretas que emocionan de Lilaina. Xa teño o nome dunha compañía de teatro á que seguir e tamén a dun grupo musical. Parabéns Náufragos, parabéns Lilaina, parabéns concello de Santa Comba.