“O diván de Freud no faro do fin do camiño”. Así se chama a exposición en homenaxe ao pintor muxián Gervasio Sar, que se vai a inaugurar o vindeiro domingo 1 de agosto(12:00) no edificio de servizos múltiples da Camposa en Muxía.
O acto será clausurado polo conselleiro de Cultura, Educación e Universidade, Román Rodríguez e no mesmo intervirán o crítico de arte Xosé Antón Castro, Dimas Búa Sar, sobriño do artista e o alcalde de Muxía Iago Toba. A presentación correrá a cargo do xornalista Xusto López Carril.
Trátase da primeira das actividades de lembranza do pintor muxián que morría o pasado mes de decembro. O evento está organizado polo Concello de Muxía e a Asociación de Amigos de Gervasio Sar, entidade presidida por Teresa Sar Vilela.
Actúan como comisarios da mostra e responsables do deseño e montaxe da mesma, Xosé Antón Castro e Merce Barrientos. Como patrocinadores e colaboradores participan Xacobeo 21-22, Paradores de Turismo e Adegas Cunqueiro.A exposición permanecerá aberta ata o 30 de setembro.
