O condutor do turismo tivo que ser evacuado en aeronave ao Hospital Clínico de Santiago segundo informan desde a central de Emerxencias AXEGA 112.
Informaron ademáis que a colisión entre o turismo e un camión produciuse ás 15:30 horas desta tarde, tal e como indicaron as persoas que chamaron ao 112 Galicia para pedir axuda.
As mesmas fontes sinalaron que co fin de proporcionar a axuda necesaria, activáronse os protocolos correspondentes para a mobilización dos profesionais de Urxencias Sanitarias de Galicia-061, así como dos Bombeiros do Xallas, membros do GES de Noia, voluntarios de Protección Civil de Mazaricos e axentes da Garda Civil de Tráfico.
Finalmente, o ferido estaba liberado e accesible, pero necesitou asistencia médica urxente, polo que a dotación sanitaria acudiu a bordo do helicóptero con base en Santiago.Neste recurso trasladouse o doente ao Hospital Clínico de Santiago.
A colisión tivo lugar na AC-441, ao paso pola parroquia de Antes, na estrada de Muxía a Santiago, no concello de Mazaricos.
