A actual concelleira Raquel Fondo forma parte do equipo de traballo.
O Partido Galego presentará candidatura no concello de Ponteceso. O candidato será Juan Vidal Torrado, natural de Corme e persoa vencellada ao asociacionismo no concello. Foi un dos impulsores da Semana Santa da localidade percebeira e traballa no sector dos seguros.
Presentación na Discoteca Teyma
A presentación será este venres 17 de marzo, na Discoteca Teyma de Ponteceso, ás 20h.
No equipo de traballo de Vidal Torrado (formado por máis de 30 persoas) está a actual concelleira Raquel Fondo Pérez (Tella), Fernando Castro Andrade (Tallo), Tania Rabuñal García(Pazos), María Josefa Ordóñez( Niñóns), Lorena Oreiro Varela (Xornes) e Xosé Manuel Abelenda(Xornes).
Desde o Partido Galego sinalan que afrontan as eleccións con optimismo “e con gañas de contribuir ao cambio necesario despois dunha lexislatura para esquecer”.
