Tod@s a apoiar a recanteira da Costa da Morte no concurso “Recantos” do Luar da TVG. Ara Nieto volverá a actuar na noite deste venres 11 de marzo (sobre as 00:30h).A artista de Mazaricos pasaba esta semana polo programa “Na Encrucillada” de Radio Xallas. Podes escoitar aquí a entrevista a partir do minuto 58.
Ara Nieto leva enganchada á música desde moi cativa:“Empecei a cantar coa miña avoa que me ensinou a cantar a Rianxeira en Londres. A xente non entendía nada”.Xa en España vencellouse a grupos de pandereteiras, e recibiu clases de canto e tamén de violonchelo:”Estou moi unida ao mundo da música. Cantar é o mellor traballo”.
Actualmente Ara Nieto canta na Orquestra Principal de Mondoñedo. E está moi ilusionada coa súa participación no “Recantos” do Luar”:“Está sendo unha experiencia marabillosa. Coñecín a xente moi boa. É certo que hai presión pero ó estar rodeada de tan bos compañeiros, iso queda nun segundo plano. Disfrutas e aprendes. Eu viña a aprender e saír un pouco das zonas de confort”
Confesa que lle levou “moito tempo” decidirse a participar neste concurso:”Levoume un par de anos sentirme o suficientemente segura”. Agora afronta una nova fase con moita ilusión e toda a súa arte que non é pouca.