6.3 C
Santa Comba
sábado, noviembre 26, 2022

Os Tristes presentan en Santa Comba a súa homenaxe humorística ós dúos musicais

Escoita a entrevista a Federico Pérez e Marcos Pereiro

“Nós dámoslle a todo, porco, tenreira, criollos,  e musicalmente igual. As cumbias, pasodobres, baladas, rock, heavy. Fáltanos a música clásica porque non acabamos de collerlle o punto a Beethoven” afirma Federico Pérez.

O humorista nado no Pino do Val(Mazaricos) que coñece ben o terreo:”Santa Comba é coma Roma. Todos os camiños chegan alí”. Sobre o espectáculo deste vindeiro domingo ten claro que se trata “dun divertimento, un espectáculo que consiste en pasalo ben, facendo as nosas versións de cancións e contando uns contiños. Que a xente se relaxe e bote unhas risas”.

A representación é tamén unha homenaxe “a toda esa xente, que son currantes das verbenas. Somos moi festeiros e facíanos gracia o típico dúo que actúa cando non hai moito carto para contratar unha orquestra” afirma Federico Pérez.

“Estamos desexando cantar porque a cuarentena foi dura”

“Os Tristes o que máis lle gusta é a música” responde Marcos Pereiro nunha entrevista en Radio Xallas. Advirte que veñen con toda a súa artillería a Santa Comba:”Vai depender moito da xente pero nós imos co noso repertorio de cancións de hoxe, de sempre e de nunca. Estamos desexando cantar porque a cuarentena foi dura”.

Coincide co seu colega:”Somos moi fanáticos dos dúos. Son fantásticos. Este espectáculo nace vendo un dúo nunha sesión vermú. É unha especie de homenaxe”.Os Tristes actuarán as 21,30h no Campo da Feira. Unha hora antes estará o Mago Xacobe.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,792SeguidoresSeguir
505SuscriptoresSuscribirte

Últimos artigos