8.7 C
Santa Comba
martes, marzo 28, 2023

Un home caeu nas rochas mentres pescaba en Laxe

AXEGA112-

Unha persoa foi rescatada esta mañá despois de caer a unhas rochas mentres pescaba no lugar coñecido como Cruz do Cabalo, fronte á Praia de Laxe.

Un helicóptero de Salvamento Marítimo evacuou ao ferido ao Aeroporto da Coruña, onde agarda unha ambulancia para o seu traslado ao Complexo Hospitalario da Coruña (CHUAC).

Todo ocorreu ás 11:30 horas desta mañá, cando o home estaba pescando con outras persoas, quen chamaron aos servizos de emerxencias para pedir axuda. Así, o 112 Galicia recibiu a información a través de Urxencias Sanitarias de Galicia-061 para poder coordinar o rescate nunha zona de difícil acceso.

Deste xeito, o persoal do Centro Integrado de Atención ás Emerxencias de Galicia solicitou a intervención de Salvamento Marítimo, que enviou á zona unha dotación a bordo do Helimer. Foi este equipo quen sacou ao pescador das rochas e o trasladou ao Aeroporto da Coruña, onde o recollerá unha ambulancia de Urxencias Sanitarias.

Cómpre salientar que no rescate tamén participou un grupo da Cruz Vermella a bordo dunha embarcación e dotacións da Garda Civil e da Policía Local.

Desde o 112 Galicia pediuse, ademais, a colaboración dos Bombeiros de Cee e dos voluntarios de Protección Civil da localidade.

Pódeche interesar

DEIXAR UNHA RESPOSTA

Introduce o teu comentario.
Insira aquí o teu nome
Captcha verification failed!
A puntuación do usuario captcha fallou. póñase en contacto connosco!
Concello de Val do Dubra
spot_img
spot_img
spot_img

Síguenos

7,820FansGóstame
1,661SeguidoresSeguir
1,839SeguidoresSeguir
1,090SuscriptoresSuscríbete

Últimos artigos