7.5 C
Santa Comba
domingo, marzo 24, 2024

A Costa da Morte non se esqueceu de homenaxear á Virxe do Carme

Fotos-Víctor Hugo

Sen grandes festas. Con máscaras e distancia social. Sexa como sexa a Virxe do Carme ten unha conexión moi potente coa Costa da Morte e o seu día non pode pasar por alto.

En Camariñas, Corme, Corcubión ou Cee celebraron esta xornada con diferentes actividades. Na vila dos encaixes, non faltou a “Danza de Arcos” para acompañar á imaxe mariana desde a capela  ata o peirao, con música de gaita.

Tamén houbo procesión marítima ata Muxía, pero sen os barcos ateigados como noutras ocasións. E a ofrenda floral na memoria dos falecidos no mar.

Antes houbo dúas misas e un recoñecemento aos membros da agrupación local de Protección Civil, nomeados “camariñáns de honra” porque “deron cobertura á totalidade da poboación de Camariñas durante os momentos mais duros do confinamento obrigatorio e seguiron co seu traballo ordinario na vida privada ou no servizo público; estenderon a xornada laboral ate o límite”. Houbo música de charanga durante o serán.

En Corme houbo misa no “galeón” que homenaxea ao Almirante Mourelle que se converteu nun altar. Tamén houbo ofrenda floral.Corcubión foi outro dos puntos con misa, procesión e a música da banda de música de Cee.

En Cee, as celebracións tiveron lugar pola tarde co traslado da imaxe mariana desde a igrexa parroquial ata o paseo marítimo onde se oficiou o acto litúrxico. Ao acabar, retornouse ao templo coa música dun grupo de gaitas. 

Fotos: tres primeiras de Camariñas, as dúas seguintes de Cee

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos