Unha alerta veciñal alertou ás autoridades municipais. Na zona das “Gargas” entre os núcleos de O Tarroal e Portochán, na parroquia de Freixeiro, había unha estampa desoladora.
Un verquido incontrolado formado por máis dun cento “de garrafas de aceites e outros líquidos de mecánica agrícola, así como filtros, electrodomésticos e outros materiais”.
Colaboración veciñal
Efectivos de Protección Civil retiraron estes materiais que foron trasladados ao Punto Limpo ubicado no Polígono Industrial. Ao mesmo tempo a Garda Civil e a Policía Local iniciaron as investigacións para tentar dar cos autores de tan incríble actitude incívica.
Desde o concello de Santa Comba piden a colaboración cidadá “para descubrir e erradicar puntos de verquidos incontrolados de auténticos cafres que atentan gravemente contra o medio ambiente e contra á propia poboación”.
