Os traballadores de Lácteos Pérez e Alimentos Ruta Xacobea agardan a resolución dos recursos presentados ante o Xulgado do Mercantil número 1 da Coruña. Tamén os gandeiros e provedores destas factorías están pendentes do ditame xudicial.
Contan cun importante apoio social tamén representado nos dirixentes políticos. De feito, o pasado mes de outubro, os mandatarios de Santa Comba, Mazaricos, Muxía, Dumbría, Vimianzo, Zas, Negreira,O Pino, A Baña e Outes, asinaron un manifesto de apoio aos traballadores. No manifesto que reproducimos neste artigo, expresan o seu apoio aos traballadores, gandeiros e provedores, e á continuidade das dúas firmas.
