Foi elixida na XII Asemblea celebrada en Compostela. Substitúe a Yolanda Díaz. Alberto Garzón asistiu ao congreso.
Eva Solla, nova coordenadora nacional de Esquerda Unida
A política viguesa e actual deputada autonómica, Eva Solla Fernández(Vigo,1984) é a nova coordinadora nacional de Esquerda Unida. Resultou elixida na XII Asemblea Nacional que se celebrou en Santiago de Compostela a pasada fin de semana. Substitúe no cargo a Yolanda Díaz, que foi a coordinadora desde 2005.A mesa presidencial da Asemblea estivo composta só por mulleres.
A asemblea “A forza das ideas” contou coa presenza do coordinador federal de Izquierda Unida, Alberto Garzón, que destacou o papel do seu partido que “soubo superar dificultades e foi capaz de construir, con humildade, espazos de confluencia e unidade que permitiron iluminar o cambio en moitas cidades, de momento, e esperemos que pronto, no resto do Estado».
Pola súa banda a nova coordenadora nacional dixo asumir o novo cargo “con alegría e moita responsabilidade” despois dunha asemblea caracterizada polo “debate productivo, sereno, tranquilo e fraterno”.
Entre os retos vindeiros, Eva Solla avoga por “recuperar o traballo de rúa, o traballo nos movementos sociais e co resto de colectivos agredidos” así como desenvolver “un traballo de de acompañamento das concelleiras/os que temos por toda Galicia, por esa base que é o municipalismo”Para Solla estamos diante “dun tempo fundamental”.
Incremento importante de afiliados
Antes da asemblea, o secretario de organización Rubén Pérez asegurou que “temos un crecemento en número de persoas afiliadas moi importante e somos unha organización que ten 31 anos de historia, polo que é unha organización consolidada, madura e con futuro”.
Tamén destacou o papel de Yolanda Díaz durante os últimos anos: “Yolanda Díaz é a pedra angular desta organización e a que fixo que Esquerda Unida sexa en Galicia o que a cidadanía ve a día de hoxe. Foron moitos anos e moitos esforzos os que fixo para consolidar a esta organización”.