O presidente do PPdG, Alberto Núñez Feijóo, aproveitou unha reunión da executiva para motivar aos seus dirixentes e reivindicar o carácter maioritario do seu partido, nun día no que presentaba a Miguel Tellado como voceiro parlamentario.
O presidente do Partido Popular de Galicia pediu aos seus dirixentes que se esforcen en defende-los intereses dos galego e traballen para que o PP responda ao “aval que nos dan os cidadáns elección tras elección”.Alberto Núñez Feijóo criticou que outras forzas políticas con menor respaldo electoral queiran impoñer as súas ideas, e insistiu en manter intacta no PP, a “vocación maioritaria e de ser o partido das institucións e representante dos intereses xerais”.
«Non temos referentes como Bildu»
“Nós non temos como referentes nin Bildu nin Esquerra Republicana de Cataluña. Nós temos como referentes o goberno socialista de Andalucía tampouco temos como referentes a a Revolución bolivariana. Nos temos como referente a Galicia.Ós galegos. Esos que se levantan todas as mañán e están buscando unha solución para o problema do seu fillo” manifestou Feijóo.
Tellado, encargado de transmitir a sensibilidade do PP
O voceiro do Partido Popular de Galicia, Miguel Tellado asegurou que a súa función será a de comunicar os pensamentos, ideas, principios e valores do partido pero tamén “comunica o que sentimos” que como recoñeceu é “o principal déficit na comunicación política”, e sobre todo para facer fronte as críticas da oposición “que nos acusa de ser insensibles a realidade social” cando “o PP traballa desde as institucións para mellora-la calidade de vida das persoas”.
EN TWITTER @AdianteGalicia