O vicevoceiro de AGE, Antón Sánchez, dí que o PSOE ten que recoñecer “a plurinacionalidade do estado español” e apostar por un “cambio de rumbo” para facilitar un entendemento con En Marea.
O PSOE debe recoñecer a plurinacionalidade do estado español
O deputado Antón Sánchez sustitúe a Yolanda Díaz como vicevoceiro de AGE. Nunha entrevista no programa “Área Pública” que presenta Susana López Carbia na Televisión de Galicia, falou dun posible entendemento con En Marea para apoiar a investidura de Pedro Sánchez, pero matizou que depende do posicionamento dos socialistas:”Se eles cambian poderemos falar” dixo Sánchez, que pediu que se recoñeza “a plurinacionalidade do estado español” algo que segundo o deputado “de momento non fixeron” os socialistas.
Antón Sánchez:”A confluencia é necesaria”
Con estes xestos e cun “cambio de rumbo” do PSOE, Antón Sánchez dou por feito que “falaremos para artellar un modelo diferente e para cambiar as políticas no eido social” pero advertiu que “se o PSOE non cambia nós non estaremos”. A voceira de En Marea, Alexandra Fernández expresaba este mércores a vontade de buscar un acordo co Partido Socialista.
Sobre as declaracións na Radio Galega da deputada de Cerna, Consuelo Martínez a prol dunha lista unitaria, Antón Sánchez García pediu que “ademáis de dici-lo hai que ser coherentes entre o que se dí e o que se fai”.Para o vicevoceiro da Alternativa Galega de Esquerda e membro de Anova “a confluencia e necesaria” e está por riba de cuestión partidistas.
En Adiante Galicia defendemos un xornalismo plural.Colabora connosco. Únete aó Club Adiante.
