O delegado territorial da Xunta na Coruña, Ovidio Rodeiro, visitou o concello de Mazaricos para asinar xunto ao alcalde de Mazaricos, Juan José Blanco, as actas de recepción e visitar algunha das obras realizadas no concello con cargo ao Fondo de Compensación Ambiental, que supuxeron un investimento de 210.000 euros no concello.
En concreto, o Concello de Mazaricos empregou os cartos na roza mecanizada en camiños rurais, na limpeza de maleza no interior de núcleos rurais, nunha senda paisaxística na contorna do Monte Aro, na mellora do saneamento en Pino de Val e na drenaxe de pluviais nos núcleos de Alborés, Beba, Coiro, Colúns, Corzón e Eirón.
