O concello de Fisterra abriu o prazo para incribirse nos distintos concursos previstos para o entroido, que conta cunha forte tradición nesta localidade.
O popular concurso de comparsas celebrarase o martes 13 de febreiro no pavillón municipal ás 18,00 h.Haberá premios de 1.400, 1.100 e 800 euros para os tres primeiros clasificados e unha axuda económica de 300 euros para o resto de comparsas.A inscrición estará aberta ata o 31 de xaneiro.
Pero non será a única actividade para estas datas. O sábado 10 de febreiro celebrarase o concurso adulto de disfraces na praza da Constitución(19,00 h), con premios nas categorías individual, parellas e grupos. E o domingo 11 de febreiro terá lugar o concurso infantil de disfraces, a partir das 17,00 h, tamén na praza da Constitución.
