INFORMA-AXEGA 112
Un accidente de tráfico, ocorrido esta mañá entre unha furgoneta e un turismo na localidade coruñesa de Muxía, saldouse co traslado dunha persoa ferida.A colisión tivo lugar arredor das 10:00 horas, cando unha testemuña chamou ao 112 Galicia para informar do sinistro de tráfico na parroquia de Moraime, pouco despois do lugar de Figueiras de Arriba.
Deste xeito, desde o CIAE-112 comunicóuselle o feito aos servizos sanitarios, á Garda Civil de Tráfico, á Policía Local, aos Bombeiros de Cee e aos membros de Protección Civil de Muxía.Finalmente, a dotación de bombeiros que se desprazou ata a zona indicoulle aos operadores do 112 Galicia que un condutor implicado tivo que ser trasladado ao Hospital de Cee.
