Compromiso por Galicia iniciou unha campaña para pedir que a Xunta de Galicia merque a casa de Castelao en Rianxo. Nestes momentos está aberta unha campaña a través da plataforma Change.org, para despois presentar as sinaturas acompañando a seguinte petición ante a Xunta.
1-Que o parlamento de Galicia partille a necesidade de que a Xunta de Galicia faga efectiva a compra do inmoble coñecido como casa de Castelao en Rianxo, sito en Rúa de Abaixo nº 42 según datos publicados no B.O.E. de referencia.
2 – Que ese patrimonio unha vez mercado pase a ser un museo que poña en valor a figura de Castelao e do Galeguismo.
Este xoves pola tarde a iniciativa contaba con 530 sinaturas de apoio.
