O Comité de empresa de Ferroatlántica continúa este xoves 8 de decembro cos actos de protestas para esixirlle a empresa que desista nas súas intención de vender as centrais hidroeléctricas «unha vez que a Xunta adquiriu o compromiso de desautorizar a operación no caso de que se solicite a venda por parte da compañía».
A partir das dez da mañá haberá unha marcha a pé de traballadores que sairá desde a factoría de Brens(Cee) ata a central do Ézaro(Dumbría). As 13.00 haberá unha concentración. Despregarase unha faixa na Fervenza do Xallas co lema «O río é noso non de Villar Mir».
Os representantes dos traballadores tamén informan que haberá concentracións diante da fábrica de Brens, os venres 16,23 e 30 de decembro, ás 18:30h. O Comité non descarta a convocatoria dunha folga «no caso de que a empresa presente o preacordo de venda das centrais na Xunta de Galicia».