Escoita a entrevista con Alfonso Mouzo a partir do minuto 29 do audio
O presidente do Comité de empresa de Ferrotlántica(Agora XEAL) na Costa da Morte, pensa que o cambio de nome da empresa “é unha declaración de intencións dos novos propietarios que poñen por diante a xeración da electricidade en vez das ferroaliaxes”.
Segregación encuberta
Alfonso Mouzo insiste en que “van a querer segregar pola parte de atrás”, asegurando que mentres Xallas Electricidad y Aleaciones(XEAL) “vende catro veces máis electricidade que da que se compra”, a actividade das fábricas é menor co forno 13 parado e outros traballando a un ritmo máis lento do habitual:“Veñen a lucrarse da enerxía dos ríos Xallas e Grande” manifestou.
Máis mobilizacións
Mouzo confirmou que continuarán co calendario de mobilizacións. A vindeira será o luns 2 de marzo, se ben comentou que “estamos pensando en facer algo máis”.
Demandan que se presente un plan de viabilidade “que garanta a actividade industrial”.A desconfianza no comité de empresa non diminúe porque, lembran, os novos propietarios manteñen o recurso pola segregación das actividades e “o ERTE segue en vigor”.
Tamén están á espera de que a Xunta convoque unha xuntanza a tres bandas.